Nyob rau xyoo 2016, Xeev California cov kws tawm kev cai lij choj tau kos npe siv Tsab Cai Pab Cov Tub Ntxhais Hluas Rau Fab Kev Noj Qab Haus Huv (CHYA) uas yuav kom tag nrho cov tsev kawm ntawv muab kev kawm paub kev muaj taus me nyuam uas qhia tau txhua yam rau tag nrho cov tub ntxhais kawm ntawv qib 7-12.

Xeev California Tsab Cai Pab Cov Tub Ntxhais Hluas Rau Fab Kev Noj Qab Haus Huv tsom rau kev ncua tseg fab kev pw ua ke thaum ntxov, tsim kev tseem ceeb rau kev sib haum rau kev noj qab haus huv, thiab tiv thaiv kev sib kis kab mob los ntawm kev sib deev thiab kev muaj me nyuam ua ntej sib yuav. FCSS tau txhawb nqa Nroog Fresno Cov Tsev Kawm Ntawv Hauv Cheeb Tsam los ntawm kev muab kev pab cuam ncaj qha rau cov tub ntxhais kawm ntawv, muab cov chaw muab kev pab cuam, kev cob qhia, thiab cov rooj sib tham rau cov niam thiab txiv. Hais txog kev cob qhia kev txhim kho rau cov neeg khiav hauj lwm, thov saib cov chaw muab kev pab cuam hauv qab no.

Xeev California Tsab Cai Pab Cov Tub Ntxhais Hluas Rau Fab Kev Noj Qab Haus Huv

CHYA tau teev cia kom cov tsev kawm ntawv rau pej xeem thiab tsim tsa los ntawm cov kws qhia ntawv yuav tsum tau muab kev kawm paub kev muaj taus me nyuam uas qhia tau txhua yam rau tag nrho cov tub ntxhais kawm ntawv qib 7-12. Qhov kev kawm yuav tsum ncaj ncees, raug raws kev kho mob thiab muaj txhua yam rau tag nrho txhua cov uas tsis hais poj niam los sis txiv neej thiab cov kev nyiam uas yog nyiam poj niam los sis txiv neej. Lub hom phiaj ntawm Xeev California Tsab Cai Pab Cov Tub Ntxhais Hluas Rau Fab Kev Noj Qab Haus Huv yog txhawm rau muab kev txawj ntse thiab kev paub tseem ceeb rau txhua tus me nyuam kawm ntawv los tiv thaiv lawv qhov kev noj qab haus huv rau kev muaj taus me nyuam thiab kev pw ua txij nkawm los ntawm kev muaj me nyuam ua ntej sib yuav, kab mob vais lav sib kis los ntawm tib neeg kev sib deev (HIV), thiab cov kev sib kis los ntawm kev sib deev (STIs).

CDE CHYA Cuab Yeej Qhia Cov ntaub ntawv qhia txog kev kawm

Cov Tub Ntxhais Kawm Ntawv Uas Cev Xeeb Me Nyuam thiab Yog Leej Niam thiab Txiv

Tsoom fwv tsab kev cai lij choj tau tiv thaiv txhua tus tub ntxhais kawm ntawv los ntawm kev ntxub ntxaug yeeb vim cev xeeb me nyuam los sis txheej xwm kev yog leej niam thiab txivCov tub ntxhais kawm ntawv tsis tuaj yeem raug quab yuam tau los mus kawm rau lwm cov tsev kawm ntawv, cov dej num muab kev koom uas tsis tau txais kev lees txais los sis raug quab yuam los ntawm lwm cov tub ntxhais kawm ntawv/neeg ua hauj lwm. Muab kev paub ntau ntxiv hais txog Nqi Lus IX thiab kev txhawb nqa cov niam thiab txiv uas tseem yog neeg hluas..

Kev Tso Cai Rau Me Nyuam Yaus

Cov me nyuam uas muaj hnub nyoog siab dua 12 xyoos muaj cai raws kev cai lij choj nkag tau mus siv cov kev pab cuam kev kho mob muaj ntiag tug uas tsis tag muaj kev tso cai ntawm niam thiab txiv los sis kev ceeb toom nyob rau hauv Xeev California. (Cal.Tsab Cai Tuav Kev Noj Qab Haus Huv & Kev Nyab Xeeb §§ 123110(a), 123115(a)(1); Cal. Civ. Tsab Cai Tuav §§ 56.10, 56.11).

Qhov cai no txhawm rau nkag kom tau mus rau qhov kev pab saib xyuas uas suav nrog qhov peev xwm rau kev tso tawm los ntawm tsev kawm ntawv rau kev saib xyuas kev noj qab haus huv fab kev muaj taus me nyuam uas ceev tsis pub neeg paub uas tau txais. Tab Cai Tswj Kev Kawm Ntaub Ntawv tshooj 48205, tau tso cai rau cov tsev kawm ntawv cov neeg ua huaj lwm los hais daws kom tau cov tub ntxhais kawm ntawv tau mus koom rau cov kev teem caij sib ntsib kev kho mob uas muaj ntiag tug yam tsis tag muaj kev tso cai los ntawm niam thiab txiv los sis kev ceeb toom dab tsi.

Kev Quab Yuam Me Nyuam Yaus/Kev Quab Yuam Kev Sib Deev

Cov neeg tshaj qhia uas tau tsim tsa los yog cov tib neeg uas tsim tsa raws li kev cai lij choj los tshaj qhia kev nqis tes ua phem rau me nyuam yaus uas tsis paub los sis xav tias muaj kev ua phem. Feem ntau yog cov neeg uas muaj kev nyob ze rau cov me nyuam yaus los ntawm lawv txoj hauj lwm. Tag nrho cov neeg ua hauj lwm rau tsev kawm ntawv yog cov neeg tshaj qhia uas tau tsim tsa rau kev saib xyuas kev ua phem rau me nyuam yaus uas xav tias muaj. Kev ua phem rau me nyuam yaus muaj xws li kev ua phem rau kev tsis saib tsis xyuas, txoj kev xav, lub cev thiab kev sib deev. Nrhiav kev paub ntau ntxiv txog cov kev cob qhia thiab cov chaw muab kev pab cuam nyob rau hauv zej zos..

Kev Siv Cov Me Nyuam Yaus Rau Lag Luam Fab Kev Sib Deev

Kev lag luam fab kev sib deev, yog ib hom lag luam ntawm tib neeg, uas yog ib qho teeb meem loj heev nyob rau hauv Nroog Fresno. Nws yog ib yam ntawm kev quab yuam nyob rau hauv lub neej phaum tshiab uas cov neeg raug kwv ua phem uas muaj hnub nyoog qis dua 18 xyoo raug quab yuam, siv cai yuam, muab los siv los sis khuj yuav muaj kev siv deev rau fab kev lag luam. Kev sib deev rau kev lag luam yog thaum muab ib yam dab tsi uas muaj nuj nqis pauv kev sib deev. Txawm tias feem ntau yog cov poj niam thiab cov ntxhais xwb los, cov neeg rau kev ua phem tuaj yeem yog tau cov poj niam, cov txiv neej, cov ntxhais hluas, los sis tub hluas. Muaj ntau yam kev ntxias dag tau cov neeg raug kev phem coj mus ua lag luam fab kev sib deev, muaj xws li:

  • Cog lus yuav coj mus kom tau hauj lwm zoo ua nyob rau lwm lub teb chaws
  • Dag yuav coj mus yuav uas yog coj mus ua qhev
  • Raug niam thiab txiv, cov txiv, cov hluas nraug muab muag rau kev sib deev ua lag luam
  • Raug nyiag los ntawm cov neeg ua lag luam neeg

Tsim nyog tshaj qhia kev ua lag luam fab kev sib deev rau cov me nyuam tsis tau nto hnub nyoog uas xoom xaim tias muaj kev ua phem rau me nyuam yaus. Nrhiav kev paub ntau ntxiv txog cov chaw muab kev pab cuam rau kev ua lag luam fab kev sib deev thiab pab zej zos..

Nrhiav ntaub ntawv muab kev qhia paub ntxiv hais txog kev cob qhia cov neeg ua hauj lwm rau tsev kawm ntawv Nrhiav ntaub ntawv muab kev qhia paub hais txog kev kawm paub kev lag luam fab kev sib deev

Kev Pab Cuam Kev Noj Qab Haus Huv Rau Lub Hlwb

Cov kws qhia ntawv uas pab cov tsev neeg kom tau txais kev pab cuam kev noj qab haus huv rau lub hlwb tuaj yeem ntsib kev nyuaj ntau yam. FCSS thiab Nroog Fresno Feem Tuav Hauj Lwm Saib Xyuas Kev Noj Qab Haus Huv Rau Kev Coj Cwj Pwm tau koom tes txhawb thiab nthuav txav cov kev pab cuam kev noj qab haus huv rau lub hlwb rau peb cov tub ntxhais hluas nyob rau hauv lub teb chaws. Qhov kev sib koom tes no tsom rau muab kev txhawb nqa thiab nthuav txav kev khiav hauj lwm muab kev saib xyuas tseem ceeb rau cov kev xav tau kev pab cuam kev noj qab haus huv rau kev coj cwj pwm ntawm cov tub ntxhais hluas thiab cov tsev neeg, kuj xws li nthuav txav Kev Pab thiab Kev Txhawb Nqa Rau Kev Coj Cwj Pwm Kom Zoo (PBIS) nyob rau hauv cov chaw uas yog tsev kawm ntawv. Cov tsev kawm ntawv tuaj yeem pab cov me nyuam kawm ntawv rau sij hawm no kom tau txais cov kev pab cuam kev pab cuam kev noj qab haus huv rau lub hlwb nyob rau ntawm lawv cov tsev kawm ntawv kom siv lub sij hawm sai.

Nrhiav kev paub ntau ntxiv txog kev pab cuam thiab kev koom tes..