Kev noj qab haus huv rau kev muaj taus me nyuam yog hais txog kev noj qab nyob zoo txhua yam rau lub cev, lub hlwb thiab fab sim neej uas cuam tshuam rau kev ua hauj lwm ntawm kev muaj taus me nyuam.

Yam ua tas li uas ua rau tsis muaj kev noj qab haus huv thiab kev siv ntaub ntawv qhia paub yuam kev hais txog kev noj qab haus huv rau kev pw ua niam txiv tuaj yeem muaj kev cuam tshuam tseem ceeb rau ib tug neeg hluas lub neej tom ntej rau hauv lub nrog cev, kev xav, fab sim neej thiab kev lag luam. Kev muab kev kawm paub rau kev muaj taus me nyuam rau cov tub ntxhais hluas yuav txhawb tau lawv cov kev txawj thiab kev paub los muab kev txiav txim siab rau kev noj qab haus huv uas paub zoo hais txog lawv cov kev coj cwj pwm fab kev pw ua ke. Sij hawm tseem ua hluas tuaj yeem yog ib lub sij hawm muaj kev nyuaj rau cov niam thiab txiv thiab cov hluas. Cov niam thiab txiv keev muaj lub sij hawm nyuaj los tham txog kev ua neej thaum yuav nto hluas thiab kev pw ua ke nrog rau lawv cov me nyuam. Cov tub ntxhais hluas ntsib ntau yam kev nyuaj thaum lawv loj tuaj yuav nto neeg hluas. Nws tseem ceeb uas cov neeg hluas yuav tau nkag kom tau mus rau cov ntaub ntawv muab kev qhia paub, cov chaw muab kev pab cuam thiab cov kev pab cuam uas tuaj yeem yuav pab tau lawv los muab kev txiav txim siab rau kev noj qab haus huv. Fresno County Superintendent of Schools xav ua kom ntseeg tau tias cov me nyuam kawm ntawv thiab lawv cov tsev neeg tau txais kev qhia paub hais txog cov kev yuav tshwm sim tau niaj hnub no, cov ntaub ntawv teev suav thiab cov kev coj cwj pwm.

Kev Kawm Paub Kev Muaj Taus Me Nyuam

Nyob rau Lub Ib Hlis Ntuj 2016, Xeev California Feem Tuav Hauj Lwm Saib Xyuas Kev Kawm Ntaub Ntawv (CDE) tau qhia txog Xeev California Tsab Cai Pab Cov Tub Ntxhais Hluas Rau Fab Kev Noj Qab Haus Huv (CHYA) uas tau teev cia tias tag nrho cov tsev kawm ntawv rau pej xeem thiab qhib los ntawm cov kws qhia ntawv yuav tsum tau muab kev kawm paub kev muaj taus me nyuam uas muaj txhua yam thaum tseem kawm nyob rau tsev kawm ncua nrab thiab thaum kawm rau tsev kawm ncua kawg. Txoj kev kawm paub uas muab rau cov me nyuam kawm ntawv yuav tsum raug raws li fab kev kho mob, ncaj nruab nrab, uas muaj qhia tau rau tag nrho txhua cov uas tsis hais yog poj niam los txiv neej thiab kev nyiam rau fab kev pw ua ke.  Nyeem cov ntsiab lus uas tau teev muaj..

Kev Txuas Lus Rau Niam thiab Txiv

Cov niam thiab txiv muaj kev tseem ceeb rau tus me nyuam qhov kev noj qab haus huv thiab kev noj qab nyob zoo rau txoj kev xav. Txhua leej niam thiab txiv xav kom lawv tus me nyuam muaj kev nyab xeeb thiab noj qab haus huv. Thaum cov me nyuam loj tuaj, yuav tsis yooj yim rau kev los sib tham txog kev ua neej thaum ncua nto hluas thiab kev noj qab haus huv rau kev muaj taus me nyuam. FCSS tau tsa muaj cov rooj sab tham tawm tswv yim los txhawb nqa cov niam thiab txiv hais txog qhov kev tseem ceeb ntawm kev sib tham txog kev pw ua ke, cov cwj pwm coj rau kev noj qab haus huv thiab cov kev sib raug zoo uas muaj kev zoo nrog rau lawv cov me nyuam. Txhawm rau saib seb cov rooj sib tham tawm tswv yim muaj nyob rau hauv koj cheeb tsam, thov tiv tauj rau Feem Tuav Hauj Lwm Tiv Thaiv thiab Muab Kev Pab Rau Cov Me Nyuam Kawm Ntawv.

Cov Tswv Yim thiab Chaw Muab Kev Pab Cuam Kev Sib Txuas Lus Rau Niam thiab Txiv mus rau Me Nyuam

Nroog Koj Cov Me Nyuam Sib Tham - Lus As Kiv | Lus Mev

CA Tes Hauj Lwm Muab Kev Kawm Paub Rau Kev Noj Qab Haus Huv

Cov me nyuam kawm ntawv uas muaj kev noj qab haus huv tseem ceeb rau kev ua kom tiav rau txoj kev kawm. Kev muab txoj kev kawm paub txog kev noj qab haus huv hais txog txhua yam tuaj yeem pab tau cov me nyuam kawm ntawv txhim kho thiab ceev txuag lawv cov cwj pwm coj rau kev noj qab haus huv thiab cov kev coj cwj pwm uas tuaj yeem ua rau muaj kev muaj yeej rau fab kev kawm. CDE tau tsim ib phau ntawv coj qhia rau cov cheeb tsam los siv txhawb siab rau kev noj qab haus huv rau tag nrho cov me nyuam kawm ntawv qib K-12.

Rub phau ntawv coj qhia

Kev Tso Cai Rau Me Nyuam Yaus

Cov me nyuam uas muaj hnub nyoog siab dua 12 xyoos muaj cai raws kev cai lij choj nkag tau mus siv cov kev pab cuam kev kho mob muaj ntiag tug uas tsis tag muaj kev tso cai ntawm niam thiab txiv los sis kev ceeb toom nyob rau hauv Xeev California. (Cal.Tsab Cai Tuav Kev Noj Qab Haus Huv & Kev Nyab Xeeb §§ 123110(a), 123115(a)(1); Cal. Civ. Tsab Cai Tuav §§ 56.10, 56.11).M

Qhov cai no txhawm rau nkag kom tau mus rau qhov kev pab saib xyuas uas suav nrog qhov peev xwm rau kev tso tawm los ntawm tsev kawm ntawv rau kev saib xyuas kev noj qab haus huv fab kev yeej noob neej ceev muaj ntiag tug uas tau txais. Tab Cai Tswj Kev Kawm Ntaub Ntawv tshooj 48205, tau tso cai rau cov tsev kawm ntawv cov neeg ua huaj lwm los hais daws kom tau cov tub ntxhais kawm ntawv tau mus koom rau cov kev teem caij sib ntsib kev kho mob uas muaj ntiag tug yam tsis tag muaj kev tso cai los ntawm niam thiab txiv los sis kev ceeb toom dab tsi.

Cov Ntaub Ntawv Teev Qhia STI Hauv Cheeb Tsam

Nroog Fresno muaj ib pawg ntawm cov Muaj Kev Sib Kis Mob Los Ntawm Kev Sib Deev (STI) uas siab tshaj plaws yog cov hluas muaj hnub nyoog 15-24 xyoos nyob rau hauv lub lav. Cov STI yog cov kev sib kis kab mob uas cov tib neeg muaj kev sib chwv los ntawm kev sib deev. Cov STI tsis xaiv tias yog tus twg. Tag nrho cov neeg uas tseem pw taus ua ke muaj kev phom sij rau kev yuav mus chwv STI yog tias lawv muaj kev koom kev sib deev uas tsis muaj kev tiv thaiv.

Cov Tub Ntxhais Kawm Ntawv Uas Cev Xeeb Me Nyuam thiab Yog Leej Niam thiab Txiv

Cov tub ntxhais kawm ntawv uas cev xeeb me nyuam thiab tu me nyuam muaj cai heev rau kev kawm paub uas tau hais tseg. Tsoom Fwv thiab Lub Lav tsab kev cai lij choj tau txwv tsis pub muaj kev ntxub ntxaug thiab quab yuam rau cov tub ntxhais kawm natwv uas cev xeeb me nyuam thiab tu me nyuam nyob rau tom tsev kawm ntawv. Cov tub ntxhais kawm ntawv tsis tuaj yeem yuav quab yuam kom tawm tsev kawm ntawv ntawm tus kheej raws lawv qhov kev xeeb me nyuam los sis kev tu me nyuam. Kawm paub ntxiv hais txog cov cai kev kawm ntaub ntawv ntawm cov neeg hluas uas cev xeeb me nyuam thiab tu me nyuam, nias rau cov chaw txuas nkag hauv qab no.

Kev Yug Me Nyuam Ua Ntej Txog Caij

Kev noj qab haus huv hauv lub nrog cev, kev xav, thiab lub hlwb ntawm ib tug poj niam yog qhov txuam thawj tseem ceeb rau nws qhov kev muaj kev cev xeeb me nyuam thiab tus me nyuam mos uas noj qab haus huv. Feem ntau, cov poj niam uas tsis xav txog lawv tus kheej txoj kev noj qab haus huv ua ntej kev muaj me nyuam. Nws yog ib qho ua rau pom meej yuav los kawm paub kev tseem ceeb ntawm kev noj qab haus huv ua ntej kev muaj me nyuam txhawm rau txo kev phom sij kev yug me nyuam ua ntej txog caij thiab me nyuam tuag hauv plab. Nroog Fresno muaj ib qho yog kev yug me nyuam ua ntej txog caij thiab kev me nyuam tuag hauv plab siab tshaj plaws nyob rau hauv lub lav. Cov zej zos uas muaj kev noj qab haus huv yuav tau kawm paub hais txog kev tseem ceeb rau kev nyob yam muaj kev noj qab haus huv ua ntej, nyob rau ncua sij hawm thiab tom qab cev xeeb me nyuam.

Kev Cuam Tshuam Rau Kev Noj Qab Haus Huv

1 hauv 5 leej neeg hluas uas tau tshaj qhia kev raug quab yuam ua phem rau lub cev thiab deev los ntawm lawv tus khub. Kev muaj kev ntaus phooj ywg thiab kev sib paub tsis zoo tuaj yeem muaj kev cuam tshuam ntau rau kev noj qab haus huv fab kev xav, lub hlwb thiab lub cev ntawm cov neeg hluas. Kawm paub hais txog cov cwj pwm uas tuaj yeem yog cov kev tshwm sim qhia ua ntej thiab qhov chaw nrhiav kev pab.

Kev Lag Luam Fab Kev Sib Deev

Kev lag luam fab kev sib deev yog ib yam kev raug yuam ua qhev nyob rau txheej neeg tshiab ntawm kev ua lag luam tib neeg. Cov neeg raug ua phem rau kev ua lag luam fab kev sib deev yuav raug quab yuam, raug tshem chaw, raug hem thawj los sis quab yuam rau kev sib deev ua lag luam. Kev sib deev ua lag luam tau txheeb pom los ntawm Tsoom Fwv Feem Tuav Hauj Pab Tib Neeg thiab Kev Noj Qab Haus Huv tias yog "txhua yam kev sib deev uas yog yam muab tej yam khoom muaj nuj nqis rau los sis tau txais los ntawm ib tug neeg twg."Cov neeg ua lag luam tib neeg yuav siv hom kev quab yuam fab kev ntxias kev xav thiab lub cev uas thaiv cov neeg raug ua phem tas li los ntawm kev khiav tawm lawv tus neeg quab yuam kom txhob nrhiav tau kev pab. Cov hluas nkauj muaj feem ntau tshaj plaws yuav yog cov neeg raug ua phem rau kev ua lag luam fab kev sib deev.  Nrhiav kev paub ntau ntxiv txog cov chaw muab kev pab cuam rau kev ua lag luam fab kev sib deev..

Cov neeg raug ua phem rau kev lag luam fab kev sib deev feem ntau yog raug ntiav los ntawm tej kev siv chaw faib qhia xov xwm fab sim neej. Koj tsim nyog yuav zam cov hauv qab no:

  • Teb cov lus sau tuaj ntawm qee cov neeg uas koj tsis paub
  • Tsis txhob muab koj tus kheej cov kev qhia paub tso rau saum chaw faib qhia xov xwm fab sim neej
  • Tsis txhob xa duab, duab liab qab los sis koom kev tham txog kev sib deev nrog rau cov neeg koj tsis paub
  • Tsis txhob mus ntsib cov neeg txawv ntsej muag
  • Tsis txhob tawm mus ntsib tej tus neeg tawm nroog sab nrauv

Kom nkag siab hais tias cov neeg ua luam tib neeg yuav siv sij hawm tiab dag zog kom ntseeg tau tias lawv cov neeg yuav raug ua phem hnov li muaj kev nyab xeeb thiab yuam kev xav hais tias yuav muaj kev sib raug zoo uas muab siab tiag. Cov neeg ua lag luam tib neeg yuav coj li yog neeg siab zoo thiab muab kev txhawb nqa heev. Ntau cov neeg raug ua kev phem ntseeg tias lawv muaj kev sib raug zoo nrog rau lawv cov neeg ua lag luag tib neeg.

Fresno Pab Pawg Pab Cib Fim Kev Lag Luam Lub Chaw Lis Hauj Lwm Saib Xyuas Chaw Pab Cov Tub Ntxhais Hluas muaj los yog ib qhov chaw muab kev pab cuam rau kev pab cov neeg raug ua phem los ntawm kev lag luag fab kev sib deev. Chaw Pab Cov Tub Ntxhais Hluas nyob rau ntawm 1545 N. Fresno Street, Fresno, CA 93721.

Kev Pab Cuam Kev Noj Qab Haus Huv Rau Lub Hlwb

Cov Tub Ntxhais Hluas nyob rau hauv Xeev California tuaj yeem nkag tau mus rau cov kev pab cuam kev noj qab haus huv rau lub hlwb yam tsis tag muaj kev tso cai los ntawm niam thiab txiv los sis kev ceeb toom. Muaj ntau zaus, cov tub ntxais kawm ntawv tuaj yeem tau txais kev pab kev noj qab haus huv rau lub hlwb nyob rau tom lawv lub tsev kawm ntawv. Kev noj qab haus huv rau lub hlwb yog ib feem tseem ceeb heev rau kev noj qab haus huv txhua yam txog lub nrog cev ntawm cov tub ntxhais hluas. Tej zaum cov tub ntxhais hluas yuav muaj kev puas lub cev, kev raug ua phem, tso pov tseg, los sis niam txiv tuag tso tseg ua ntej ncua yuav nto me nyuam yaus uas muaj kev cuam tshuam rau ncua sij hawm ntev rau lawv qhov kev noj qab nyob zoo. Cov tib neeg uas mob siab siv zog uas muaj kev nyuaj siab, ntxhov siab los sis kev muaj mob rau lub hlwb uas kuaj tsis tau. Muaj kev pab. Tsis tsim nyog yuav muaj ib tug twg raug mob ib leeg. Mus cuag thiab nrhiav kev txhawb nqa.

Tus Xov Tooj Pab Muaj Teeb Meem Ceev Rau Cov Tub Ntxhais Hluas Hauv Lub Teb Chaws
1-800-999-9999

Tus Xov Tooj Pab Rau Kev Tiv Thaiv Kev Tua Tus Kheej Tuag Hauv Lub Teb Chaws
Call 1-800-273-8255

Nroog Fresno Lub Chaw Pab Kev Noj Qab Haus Huv Rau Lub Hlwb Ntawm Cov Me Nyuam Yaus
Mus saib lub vas sab

All4Youth
Mus saib lub vas sab