Kev Noj Qab Haus Huv Kev Muaj Taus Me Nyuam Rau Cov Tub Ntxhais Hluas yog ib qho chaw muab kev pab cuam uas muaj txhua yam rau cov neeg muab kev kawm paub kev noj qab haus huv kev muaj taus me nyuam rau cov tub ntxhais hluas, cov tsev neeg, thiab txhua lub zej zos. Peb tau muab cov ntaub ntawv muab kev qhia paub kawg nkaus nyob rau hauv cov ntaub ntawv teev qhia hauv cheeb tsam, qhov kev khiav hauj lwm, thiab cov kev cai niaj hnub no, thiab cov chaw muab kev pab cuam uas txhawb cov kev cai coj ua rau kev noj qab haus huv nyob rau cov tub ntxhais hluas.
Site Menu
Skip to main content
Youth Reproductive Health
Rau Cov Kws Qhia Ntawv, Cov Kws Pab Kho Mob, thiab Zej Zog
Kev Muab Cov Chaw Muab Keb Pab Cuam Kev Noj Qab Haus Huv rau Cheeb Tsam Nroog Fresno Kom Zoo Dua Qub
Cov Kws Qhia Ntawv
Xeev California Tsab Cai Pab Cov Tub Ntxhais Hluas Rau Fab Kev Noj Qab Haus Huv (CHYA) yuav kom tag nrho cov tsev kawm ntawv muab kev kawm paub kev yeej noob neej uas muaj txhij ntau yam rau tag nrho cov tub ntxhais kawm ntawv qib 7-12. FCSS tuaj yeem pab tau cov kws qhia ntawv ua kom tau raws li cov cai yuav tsum tau ua raws ntawv.
Cov Kws Kho Mob
Cov kws pab kho mob rau zej zos uas nyob hauv cheeb tsam thiab cov kws pab saib xyuas kev noj qab haus huv tom tsev kawm ntawv tseem ceeb rau kev pab cov tub ntxhais hluas kom nkag tau mus rau cov kev pab cuam fab kev kho mob ceev ua ntiag tug. Nkag mus rau cov ntaub ntawv teev qhia thiab lwm cov koom haum sawv cev pab zej zos.
Cov Tsev Neeg
Sij hawm tseem ua hluas tuaj yeem yog ib lub sij hawm muaj kev nyuaj rau cov niam thiab txiv thiab cov hluas. FCSS tau muab kev txhawb nqa rau cov niam thiab txiv uas qhia lawv cov me nyuam hais txog kev pw ua ke, cov kev coj cwj pwm uas muaj kev phom sij thiab kev txheeb taug cov kev cuam tshuam uas ua rau tsis muaj kev noj qab haus huv.
Hais Txog Cov Uas Pab Nyiaj Txiag Rau Peb
Fresno County Superintendent of Schools xav ua tsaug rau Central Valley Lub Koom Haum Pab Zej Zos, uas muab kev koom tes nrog rau Koom Haum William thiab Flora Hewlett, uas muaj siab dawb muab kev pab rau Central Valley Rooj Sib Tham Pub Rau Niam thiab Txiv Uas Yog Cov Neeg Hluas. Qhov kev tsa txheej xwm no yuav tshwm sim tsis tau yog tsis muaj kev koom tes ntawm cov neeg muab kev sib koom tes hauv lub zej zos.
Keeb Kwm Kev Nkag Tau Mus Rau thiab Kev Pab Sab Laj Tswv Yim
Hais txog ntau caum xyoo dhau los, Central Valley Lub Koom Haum Pab Zej Zos tau tawm peev nyiaj pab cov koom haum uas muaj kev txhawb nqa cov neeg hluas txoj kev hloov pauv mus rau kev ua hluas hla kev cob qhia muab kev paub hauv kev ua neeg, kev qhia kom pom thiab kev muab lus tawm tswv yim, kev kawm tiav tsev kawm ncua kawg thiab kev rau npe kawm ntawv qib siab, thiab kev kawm paub kev tu me nyuam rau cov hluas. Lawv tau cog lus muab siab rau muab kev nkag tau mus rau qhov kev kawm paub kev noj qab haus huv kom muaj taus me nyuam raug raws li kev cai kho mob, uas muaj txhua yam thiab kev pab cuam kev kho mob rau cov tub ntxhais hluas thoob plaws cheeb tsam. Cov khoos kas muab kev pab no tau txhawb nqa cov tub ntxhais hluas thiab cov tsev neeg los ntawm kev kawm paub thiab kev pab tawm tswv yim. Central Valley Lub Koom Haum Pab Zej Zos tau txais kev tso siab los ntawm qhov chaw muab kev sib koom tes uas muaj lub siab zoo pab nyob rau hauv Central Valley los tau ntau tshaj 50 lub xyoo. Lawv lub hom phiaj yog txhawm rau kev cog txoj kev siab zoo uas muaj kev txawj kev ntse; muaj kev ua tau tus coj thiab nqis peev rau kev hais daws uas tsim tau cov zej zos muaj kev ruaj khov. Txhawm rau muab kev paub ntxiv, thov mus saib www.centralvalleycf.org.